!!!Bachpan!!!

Childhood(Bachpan)…the most wonderful and fun filled time of everybody’s life. It is one part of our lives that is just miraculous and is difficult to express in words. I now at the age of 23 when look back, desire from core of my heart that if someone could just turn back time for me and give me those precious moments back…but I know it’s impossible

Phir aaj kuch purane bakse tatolne ko jee chahta hai,

Bachpan ko phir ek baar jeene ko jee chahta hai,,

Dhool mei lipte, kuch khilone hain abhi tak rakhe huye,

Unki dhool hata, phir ek baar sajane ko jee chahta hai,,

Yu to bachpan mei lautna hamesha hee jee chahta hai

Par aaj apna bachpan kuch jayada hee yaad aata hai,,…

Vo barish aur meethi dhup se bana Vo indradhanush ya ho raat ke jugnu,

Jo bachpan mei lubhate the itna, unka ehsaas bhi hona hai ab mushkil

Har din ki daud bhaag mei, jhat se bada hone ki chah mei

Vo bachpan mujhse phisal gaya aur sab kuch badal gaya ek baar mei,

Saam ko aakar khelane ki chinta ,sone ke baad na jagne ki chinta

Vo baar baar Maa ka Uthana , Phir bhi lekin na khane ki chinta

Par aaj apna bachpan kuch jayada hee yaad aata hai,,…..

Vo mele me jane ki Zid , jane ke baad na aane ki Zid,

Vo Fugge ki chah ,aur Jalebi ki Mithas

Vo aate Waqt Papa ka Kanda ….

Uss bachapan ko koi mujhe lauta de kash,

Aur Samay ka pahiya koi ulta chale de aaj…

Phir aaj kuch purane bakse tatolne ko jee chahta hai,

Bachpan ko phir ek baar jeene ko jee chahta hai,....